اہل ہنر سے

مہر و مہ و مشتری، چند نفس کا فروغ

عشق سے ہے پائدار تیری خودی کا وجود

تیرے حرم کا ضمیر اسود و احمر سے پاک

ننگ ہے تیرے لیے سُرخ و سپید و کبود

تیری خودی کا غیاب معرکۂ ذکر و فکر

تیری خودی کا حضور عالمِ شعر و سرود

رُوح اگر ہے تری رنجِ غلامی سے زار

تیرے ہُنَر کا جہاں دَیر و طواف و سجود

اور اگر باخبَر اپنی شرافت سے ہو

تیری سِپہ اِنس و جِنّ، تُو ہے امیرِ جُنود!

mehr-o-mah-o-mushtari, chand nafas ka farogh

ishq se hai paidar teri khudi ka wajud

tere haram ka zamir-e-aswad-o-ahmar se pak

nang hai tere liye surkh-o-saped-o-kabud

teri khudi ka ghiyab marka-e-zikr-o-fikr

teri khudi ka huzur alam-e-sher-o-surud

ruh agar hai tiri ranj-e-ghulami se zar

tere hunar ka jahan dair-o-tawaf-o-sujud

aur agar bakhabar apni sharafat se ho

teri sipah uns-o-jinn, tu hai amir-e-junod!