تجھ سے یوں یک بار توڑوں کس طرح

تجھ سے یوں یک بار توڑوں کس طرح

میں قدم تیرے یہ چھوڑوں کس طرح

گھر سے بابر تو نہ نکلا تا ہنوز

تیرے در پر سر نہ پھوڑوں کس طرح

مے سے تائب تھا ولیکن آج پی

ہاتھ لگ جاوے تو چھوڑوں کس طرح

آبروئے ابر یاں منظور ہے

آہ میں دامن نچوڑوں کس طرح

صاف دل کیوں کر کروں تجھ سے بھلا

ٹوٹی الفت پھر کے جوڑوں کس طرح

شوق سے تو ہاتھ کو میرے مروڑ

میں ترا پنجا مروڑوں کس طرح

وقت بوسہ کے یہ انشاؔ سے کہا

تجھ سے میں پھر منہ نہ موڑوں کس طرح

tujh se yun yak bar torun kis tarah

main qadam tere ye chhorun kis tarah

ghar se babar to na nikla ta hanoz

tere dar par sar na phorun kis tarah

mai se taib tha walekin aj pi

hath lag jawe to chhorun kis tarah

abru-e-abr yan manzur hai

ah mein daman nichorun kis tarah

saf dil kyun kar karun tujh se bhala

tuti ulfat phir ke jorun kis tarah

shauq se to hath ko mere maror

main tira panja marorun kis tarah

waqt bosa ke ye insha se kaha

tujh se main phir munh na morun kis tarah