تجھ پر فدا ہیں سارے حسن و جمال والے

تجھ پر فدا ہیں سارے حسن و جمال والے

کیا صاف گال والے کیا خط و خال والے

مجھ رنگ زرد اوپر غصے سیں لال مت ہو

اے سبز شال والے اودے رومال والے

تحقیق کی نظر سیں آخر کوں ہم نے دیکھا

اکثر ہیں مال والے کم ہیں کمال والے

سایہ کوں سرو قد کے ڈھونڈے پہ کہیں نہ پائے

عالم کے فال والے اور کیا نہال والے

گر حرف میرے غم کا لاؤں زباں کے اوپر

ہو جائیں قال والے یک دم میں حال والے

موزوں نہیں کئے ہیں تجھ قد سا ایک مصرعہ

جل گئے خیال والے مر گئے مثال والے

گر شب کوں سیر کرنے نکلے سراجؔ مہ رو

جاہ و جلال والے ہویں مثال والے

tujh par fida hain sare husn-o-jamal wale

kya saf gal wale kya khat-o-khal wale

mujh rang-e-zard upar ghusse sin lal mat ho

ai sabz shal wale ude rumal wale

tahqiq ki nazar sin akhir kun ham ne dekha

aksar hain mal wale kam hain kamal wale

saya kun sarw qad ke dhunde pe kahin na pae

alam ke fal wale aur kya nihal wale

gar harf mere gham ka laun zaban ke upar

ho jaen qal wale yak dam mein hal wale

mauzun nahin kiye hain tujh qad sa ek misra

jal gae khayal wale mar gae misal wale

gar shab kun sair karne nikle siraj mah ru

jah-o-jalal wale hawen misal wale