بے وجہ دل جلوں کو جلانے سے کیا غرض

بے وجہ دل جلوں کو جلانے سے کیا غرض

مطلب ہی جب نہیں تو ستانے سے کیا غرض

تم سے بگڑ گئی تو جہاں سے بگڑ گئی

تم سے غرض نہیں تو زمانے سے کیا غرض

منظور اگر نہیں کشش عشق دیکھنا

کھینچے سے کیا غرض ہے نہ آنے سے کیا غرض

جب تم کو واسطہ ہی نہیں کچھ رقیب سے

پھر روز اس کی بزم میں جانے سے کیا غرض

شبنمؔ کی طرح کون ہو نالاں شب فراق

ہم کو کسی کی نیند اڑانے سے کیا غرض

be wajh dil jalon ko jalane se kya gharaz

matlab hi jab nahin to satane se kya gharaz

tum se bigar gai to jahan se bigar gai

tum se gharaz nahin to zamane se kya gharaz

manzur agar nahin kashish-e-ishq dekhna

khinche se kya gharaz hai na ane se kya gharaz

jab tum ko wasta hi nahin kuchh raqib se

phir roz us ki bazm mein jane se kya gharaz

shabnam ki tarah kaun ho nalan shab-e-firaq

ham ko kisi ki nind urane se kya gharaz