بگڑ کر عدو سے دکھاتے ہیں آپ

بگڑ کر عدو سے دکھاتے ہیں آپ

بناوٹ کی باتیں بناتے ہیں آپ

بڑھانے کو قصے شب وصل میں

فسانے عدو کے سناتے ہیں آپ

کسی کو تجلی کسی کو جواب

عجب کچھ لگاتے بجھاتے ہیں آپ

بگڑنے کے اسباب لازم نہیں

نئی بات دل سے بناتے ہیں آپ

نہ آنا تھا گر آئے کیوں خواب میں

مگر سوتے فتنے جگاتے ہیں آپ

بندھے کیا کسی سے امید وصال

نظر سے نظر کب ملاتے ہیں آپ

bigar kar adu se dikhate hain ap

banawat ki baten banate hain ap

barhane ko qisse shab-e-wasl mein

fasane adu ke sunate hain ap

kisi ko tajalli kisi ko jawab

ajab kuchh lagate bujhate hain ap

bigarne ke asbab lazim nahin

nai bat dil se banate hain ap

na ana tha gar ae kyun khwab mein

magar sote fitne jagate hain ap

bandhe kya kisi se ummid-e-wisal

nazar se nazar kab milate hain ap