بچے کی د عا

لب پہ آتی ہے دعا بن کے تمنا میری

زندگی شمع کی صورت ہو خدایا میری

دور دنیا کا مرے دم سے اندھیرا ہو جائے

ہر جگہ میرے چمکنے سے اجالا ہو جائے

ہو مرے دم سے یونہی میرے وطن کی زینت

جس طرح پھول سے ہوتی ہے چمن کی زینت

زندگی ہو مری پروانے کی صورت یا رب

علم کی شمع سے ہو مجھ کو محبت یا رب

ہو مرا کام غریبوں کی حمایت کرنا

درد مندوں سے ضعیفوں سے محبت کرنا

مرے اللہ! برائی سے بچانا مجھ کو

نیک جو راہ ہو اس رہ پہ چلانا مجھ کو

lab pe ati hai dua ban ke tamanna meri

zindagi shama ki surat ho khudaya meri

dur duniya ka mire dam se andhera ho jae

har jagah mere chamakne se ujala ho jae

ho mire dam se yunhi mere watan ki zinat

jis tarah phul se hoti hai chaman ki zinat

zindagi ho miri parwane ki surat ya rab

ilm ki shama se ho mujh ko mohabbat ya rab

ho mira kam gharibon ki himayat karna

dard mandon se zaifon se mohabbat karna

mire allah! burai se bachana mujh ko

nek jo rah ho is rah pe chalana mujh ko