بت کو بت اور خدا کو جو خدا کہتے ہیں

بت کو بت اور خدا کو جو خدا کہتے ہیں

ہم بھی دیکھیں تو اسے دیکھ کے کیا کہتے ہیں

جو بھلے ہیں وہ بروں کو بھی بھلا کہتے ہیں

نہ برا سنتے ہیں اچھے نہ برا کہتے ہیں

بزم احباب و مے ناب وصال معشوق

اب کسی شے میں نہیں جس کو مزہ کہتے ہیں

میں گناہ گار اگر عشق مجازی ہے گناہ

میں خطا‌ وار اگر اس کو خطا کہتے ہیں

پہلے تو داغؔ کی تعریف ہوا کرتی تھی

اب خدا جانے وہ کیوں اس کو برا کہتے ہیں

but ko but aur khuda ko jo khuda kahte hain

ham bhi dekhen to use dekh ke kya kahte hain

jo bhale hain wo buron ko bhi bhala kahte hain

na bura sunte hain achchhe na bura kahte hain

bazm-e-ahbab-o-mai nab wisal maashuq

ab kisi shai mein nahin jis ko maza kahte hain

main gunah gar agar ishq-e-majazi hai gunah

main khata war agar us ko khata kahte hain

pahle to dagh ki taarif hua karti thi

ab khuda jane wo kyun us ko bura kahte hain