بت کدہ میں نہ تجھے کعبے کے اندر پایا

بت کدہ میں نہ تجھے کعبے کے اندر پایا

دونوں عالم سے جدا ہم نے ترا گھر پایا

یوں تو دنیا میں قیامت کے پری رو دیکھے

سب سے بڑھ کر تجھے اے فتنۂ محشر پایا

اپنی اپنی ہے یہ تقدیر سبھی تھے سائل

ایک کو شیشہ ملا ایک نے پتھر پایا

بے خودی نے مجھے دیدار دکھایا تیرا

تجھ کو پایا تو مگر آپ کو کھو کر پایا

چشمۂ فیض ہے کیا ذات مرے ساقی کی

ایک قطرہ کو کہا جس نے سمندر پایا

خوش نصیب آپ بھی دنیا میں ہیں کیا اے جوہرؔ

منتظر یار کو پہلے ہی سے در پر پایا

but kada mein na tujhe kaabe ke andar paya

donon alam se juda ham ne tira ghar paya

yun to duniya mein qayamat ke pari ru dekhe

sab se barh kar tujhe ai fitna-e-mahshar paya

apni apni hai ye taqdir sabhi the sail

ek ko shisha mila ek ne patthar paya

be khudi ne mujhe didar dikhaya tera

tujh ko paya to magar ap ko kho kar paya

chashma-e-faiz hai kya zat mire saqi ki

ek qatra ko kaha jis ne samundar paya

khush nasib ap bhi duniya mein hain kya ai jauhar

muntazir yar ko pahle hi se dar par paya