بتوں کی کاکلوں کے دیکھ کر پیچ

بتوں کی کاکلوں کے دیکھ کر پیچ

پڑے ہیں دل پہ کیا کیا پیچ پر پیچ

طریق عشق بے رہبر نہ ہو طے

کہ ہے یہ رہ نہایت پیچ در پیچ

نہ ہووے دل کی تکل کٹ کے برباد

اگر ڈالے نہ وہ تار نظر پیچ

وہ زلف اس کی جو ہے پر پیچ و پر خم

کمند جاں ہے اے دل اس کا ہر پیچ

نظیرؔ اک روز اپنے زخم سر کو

جو باندھا ہم نے دے کر بیشتر پیچ

نظر کرتے ہی اس سرکش نے اک بار

کہا کر کے سخن کا مختصر پیچ

دعا دیجے ہماری تیغ کو آج

کہ جس نے آپ کو بخشا یہ سر پیچ

buton ki kakulon ke dekh kar pech

pare hain dil pe kya kya pech pur pech

tariq-e-ishq-e-be rahbar na ho tai

ke hai ye rah nihayat pech dar pech

na howe dil ki tukkal kat ke barbad

agar dale na wo tar-e-nazar pech

wo zulf us ki jo hai pur pech-o-par kham

kamand-e-jan hai ai dil us ka har pech

nazir ik roz apne zakhm-e-sar ko

jo bandha ham ne de kar beshtar pech

nazar karte hi is sarkash ne ik bar

kaha kar ke sukhan ka mukhtasar pech

dua dije hamari tegh ko aj

ke jis ne ap ko bakhsha ye sar pech