بام پر آئے کتنی شان سے آج

بام پر آئے کتنی شان سے آج

بڑھ گئے آپ آسمان سے آج

جب کہا ہم خفا ہیں جان سے آج

بولے خوش کر دیں امتحان سے آج

کس مزے کی ہوا میں مستی ہے

کہیں برسی ہے آسمان سے آج

بے تکلف نہ ہو کوئی ان سے

بنے بیٹھے ہیں میہمان سے آج

میں نے چھیڑا تو کس ادا سے کہا

کچھ سنو گے مری زبان سے آج

دل کے ٹکڑوں کی طرح ہم نے چنے

ٹکڑے کچھ دل کی داستان سے آج

نیچی داڑھی نے آبرو رکھ لی

قرض پی آئے اک دکان سے آج

اونچے کوٹھوں کے بیٹھنے والے

باتیں کرتے تھے آسمان سے آج

ناتواں دل کی بے زباں دل کی

آپ نے سن لی اپنے کان سے آج

کوئی جا کر ریاضؔ کو سمجھائے

کچھ خفا ہیں وہ اپنی جان سے آج

bam par ae kitni shan se aj

barh gae ap asman se aj

jab kaha ham khafa hain jan se aj

bole khush kar den imtihan se aj

kis maze ki hawa mein masti hai

kahin barsi hai asman se aj

be takalluf na ho koi un se

bane baithe hain mehman se aj

main ne chhera to kis ada se kaha

kuchh sunoge miri zaban se aj

dil ke tukron ki tarah ham ne chune

tukre kuchh dil ki dastan se aj

nichi darhi ne abru rakh li

qarz pi ae ik dukan se aj

unche kothon ke baithne wale

baten karte the asman se aj

natawan dil ki be zaban dil ki

ap ne sun li apne kan se aj

koi ja kar riyaz ko samjhae

kuchh khafa hain wo apni jan se aj