بام پر آنے لگے وہ سامنا ہونے لگا

بام پر آنے لگے وہ سامنا ہونے لگا

اب تو اظہارِ محبت برملا ہونے لگا

کیا کہا میں نے جو ناحق تم خفا ہونے لگے

کچھ سنا بھی یا کہ یونہی فیصلہ ہونے لگا

اب غریبوں پر بھی ساقی کی نظر پڑنے لگی

بادۂ پس خوردہ ہم کو بھی عطا ہونے لگا

کچھ نہ پوچھو حال کیا تھا خاطرِ بیتاب کا

اُن سے جب مجبور ہو کر میں جدا ہونے لگا

یاد اُس بے وفا کی ہر گھڑی رہنے لگی

پھر اُسی کا تذکرہ صبح و مسا ہونے لگا

کیا ہوا حسرت وہ تیرا ادّعائے ضبطِ غم

دو ہی دن میں رنجِ فرقت کا گلا ہونے لگا

bam par ane lage wo samna hone laga

ab to izhar-e-mohabbat barmala hone laga

kya kaha main ne jo nahaq tum khafa hone lage

kuchh suna bhi ya ke yunhi faisla hone laga

ab gharibon par bhi saqi ki nazar parne lagi

bada-e-pas khurda ham ko bhi ata hone laga

kuchh na puchho hal kya tha khatir-e-betab ka

un se jab majbur ho kar main juda hone laga

yad us be wafa ki har ghari rahne lagi

phir usi ka tazkira subh-o-masa hone laga

kya hua hasrat wo tera iddia-e-zabt-e-gham

do hi din mein ranj-e-furqat ka gila hone laga