بسنت اور ہولی کی بہار

ساقی کچھ آج تجھ کو خبر ہے بسنت کی

ہر سو بہار پیش نظر ہے بسنت کی

سرسوں جو پھول اٹھی ہے چشم قیاس میں

پھولے پھلے شامل ہیں بسنتی لباس میں

پتے جو زرد زرد ہیں سونے کے پات ہیں

صدبرگ سے طلائی کرن پھول مات ہیں

ہیں چوڑیوں کی جوڑ بسنتی کلائی میں

بن کے بہار آئی ہے دست حنائی میں

مستی بھرے دلوں کی امنگیں نہ پوچھیے

کیا منطقیں ہیں کیا ہیں ترنگیں نہ پوچھئے

ماتھے پہ حسن خیز ہے جلوہ گلال کا

بندی سے اوج پر ہے ستارہ جمال کا

گیندوں سے مائل گل بازی حسین ہیں

سر کے ابھار پر سے دوپٹے مہین ہیں

عکس نقاب زینت رخسار ہو گیا

زیور جو سیم کا تھا طلا کار ہو گیا

سرسوں کے لہلہاتے ہیں کھیت اس بہار میں

نرگس کے پھول پھول اٹھے لالہ زار میں

آواز ہے پپیہوں کی مستی بھری ہوئی

طوطی کے بول سن کے طبیعت ہری ہوئی

کوئل کے جوڑے کرتے ہیں چہلیں سرور سے

آتے ہیں تان اڑاتے ہوئے دور دور سے

بور آم کے ہیں یوں چمن کائنات میں

موتی کے جیسے گچھے ہوں زر کار پات میں

بھیروں کی گونج مست ہے ہر کشت زار میں

بنسی بجاتے کشن ہے گویا بہار میں

کیسر کسوم کی خوب دل افزا بہار ہے

گیندوں کی ہر چمن میں دو رویہ قطار ہے

اک آگ سی لگائی ہے ٹیسو نے پھول کے

کیا زرد زرد پھول کھلے ہیں ببول کے

ہے اسٹ دیوتاؤ کے مندر سجے ہوئے

ہیں زرد زرد پھولوں سے کل در سجے ہوئے

بس دیو جی کے لال کی جھانکی عجیب ہے

آنند بے حساب دلوں کو نصیب ہے

بنسی جڑاؤ سونے کی لب سے ملی ہوئی

دل کی کلی کلی ہے نظر میں کھلی ہوئی

پیتامبر نفیس کمر میں کسا ہوا

خوشبو سے ہار پھول کی مندر بسا ہوا

شانوں پہ بل پڑے ہوئے زلف سیاہ کے

رادھا سے بار بار اشارے نگاہ کے

بانکی ادائیں دیکھ کے دل لوٹ پوٹ ہے

رتکام استری کے کلیجے پہ چوٹ ہے

کانوں میں کنڈلوں کی چمک ہے جڑاؤ سے

رادھا لجائی جاتی ہے چنچل سبھاؤ سے

پیاری کا ہاتھ اپنی بغل میں لیے ہوئے

آنکھیں شراب حسن جوانی پیے ہوئے

دل رادھکا کا بادۂ الفت سے چور ہے

کہنی سے ٹھیلنے کی ادا کا ظہور ہے

چپکی کھڑی ہے کشن کے رخ پر نگاہ ہے

ہے پہلوئے جگر میں جگہ دل میں راہ ہے

الفت بھری جو بنسی کی جانب نظر گئی

گویا بسنت کی راگ کی دھن مست کر گئی

اس چھب پہ اس سنگار پہ دل سے نثار افقؔ

قربان ایک بار نہیں لاکھ بار افقؔ

اے کشن ناظریں کو مبارک بسنت ہو

کھیلا جو اپنے وہ ابد تک بسنت ہو

saqi kuchh aj tujh ko khabar hai basant ki

har su bahar pesh-e-nazar hai basant ki

sarson jo phul uthi hai chashm-e-qayas mein

phule phale shamil hain basanti libas mein

patte jo zard zard hain sone ke pat hain

sadbarg se tilai kiran phul mat hain

hain chauriyon ki jor basanti kalai mein

ban ke bahar ai hai dast-e-hinai mein

masti bhare dilon ki umangen na puchhiye

kya mantiqen hain kya hain tarangen na puchhiye

mathe pe husn khez hai jalwa gulal ka

bandi se auj par hai sitara jamal ka

gendon se mail-e-gul-e-bazi hasin hain

sar ke ubhar par se dupatte mahyun hain

aks-e-naqab zinat-e-rukhsar ho gaya

zewar jo sim ka tha tila kar ho gaya

sarson ke lahlahate hain khet is bahar mein

nargis ke phul phul uthe lala zar mein

awaz hai papihon ki masti bhari hui

tuti ke bol sun ke tabiat hari hui

koyal ke jore karte hain chahlen surur se

ate hain tan urate hue dur dur se

baur am ke hain yun chaman-e-kainat mein

moti ke jaise guchchhe hun zar kar pat mein

bhiron ki gunj mast hai har kisht-e-zar mein

bansi bajate kushan hai goya bahar mein

kesar kasom ki khub dil afza bahar hai

gendon ki har chaman mein do rawayya qatar hai

ik ag si lagai hai tesu ne phul ke

kya zard zard phul khule hain babul ke

hai ist dewtao ke mandir saje hue

hain zard zard phulon se kal dar saje hue

bas dew ji ke lal ki jhanki ajib hai

anand be hisab dilon ko nasib hai

bansi jurao sone ki lab se mili hui

dil ki kali kali hai nazar mein khuli hui

pitambar nafis kamar mein kasa hua

khushbu se har phul ki mandir basa hua

shanon pe bal pare hue zulf-e-siyah ke

radha se bar bar ishare nigah ke

banki adaen dekh ke dil laut pot hai

rutkam istiri ke kaleje pe chot hai

kanon mein kandalon ki chamak hai jurao se

radha lajai jati hai chanchal sabhao se

pyari ka hath apni baghal mein liye hue

ankhen sharab-e-husn-e-jawani piye hue

dil radhika ka bada-e-ulfat se chur hai

kahni se thelne ki ada ka zuhur hai

chipki khari hai kushan ke rukh par nigah hai

hai pahlu-e-jigar mein jagah dil mein rah hai

ulfat bhari jo bansi ki janib nazar gai

goya basant ki rag ki dhun mast kar gai

is chhab pe is singar pe dil se nisar ufuq

qurban ek bar nahin lakh bar ufuq

ai kushan nazirin ko mubarak basant ho

khela jo apne wo abad tak basant ho