اے دل اپنی تو چاہ پر مت پھول

اے دل اپنی تو چاہ پر مت پھول

دلبروں کی نگاہ پر مت پھول

عشق کرتا ہے ہوش کو برباد

عقل کی رسم و راہ پر مت پھول

دام ہے وہ ارے کمند ہے وہ

دیکھ زلف سیاہ پر مت پھول

واہ کہہ کر جو ہے وہ ہنس دیتا

آہ اس ڈھب کی واہ پر مت پھول

گر پڑے گا نظیرؔ کی مانند

تو زنخداں کی چاہ پر مت پھول

ai dil apni to chah par mat phul

dilbaron ki nigah par mat phul

ishq karta hai hosh ko barbad

aql ki rasm-o-rah par mat phul

dam hai wo are kamand hai wo

dekh zulf-e-siyah par mat phul

wah kah kar jo hai wo hans deta

ah is dhab ki wah par mat phul

gir parega nazir ki manind

tu zanakhdan ki chah par mat phul