اے خوب رو فرشتہ سیر انجمن میں آ

اے خوب رو فرشتہ سیر انجمن میں آ

سرو روان حسن ہمارے چمن میں آ

منہ باندھ کر کلی سا نہ رہ میرے پاس تو

خنداں ہو کر کے گل کی صفت ٹک سخن میں آ

عشاق جاں بکف کھڑے ہیں تیرے آس پاس

اے دل ربائے غارت جاں اپنے فن میں آ

دوری نہ کر کنار سوں میری تو اے ہما

کب لگ رہے گا دور تک اپنے وطن میں آ

تیرے ملاپ بن نہیں فائزؔ کے دل کو چین

جیوں روح ہو بسا ہے تو اس کے بدن میں آ

ai khub ru farishta sair-e-anjuman mein a

sarw rawan-e-husn hamare chaman mein a

munh bandh kar kali sa na rah mere pas to

khandan ho kar ke gul ki sifat tuk sukhan mein a

ushshaq jan bakaf khare hain tere as pas

ai dil rabae gharat-e-jan apne fan mein a

duri na kar kanar sun meri to ai huma

kab lag rahega dur tak apne watan mein a

tere milap ban nahin faiz ke dil ko chain

jyun ruh ho basa hai to us ke badan mein a