اے جان شب ہجراں تری سخت بڑی ہے

اے جان شب ہجراں تری سخت بڑی ہے

ہر پل مگر اس نس کی برمہا کی گھڑی ہے

ہر بال میں ہے میرا دل صاف گرفتار

کیا خوب تری زلف میں موتیاں کی لڑی ہے

نیلم کی جھلک دیتی ہے یاقوت میں گویا

سو تیرے لب لعل پہ مسی کی دھڑی ہے

تھے ذکر درازی کے تری ہجر کی شب کے

کیا پہنچی شتاب آ کے تری عمر بڑی ہے

سورج کا جلانے کوں جگر جیوں دل فائزؔ

اے نار تو کیوں دھوپ میں سر کھول کھڑی ہے

ai jan-e-shab hijran tiri sakht bari hai

har pal magar is nas ki barmha ki ghari hai

har bal mein hai mera dil saf giraftar

kya khub tiri zulf mein motiyan ki lari hai

nilam ki jhalak deti hai yaqut mein goya

so tere lab-e-laal pe missi ki dhari hai

the zikr darazi ke tiri hijr ki shab ke

kya pahunchi shitab a ke tiri umr bari hai

suraj ka jalane kun jigar jyun dil faiz

ai nar to kyun dhup mein sar khol khari hai