اے باغ حیا دل کی گرہ کھول سخن بول

اے باغ حیا دل کی گرہ کھول سخن بول

تنگی ہے مرے حال پر اے غنچہ دہن بول

اے آہ سنا اس کوں مرے حال کی عرضی

تجھ زلف کے پیچوں نے دیا مجھ کوں شکن بول

مدت ستی پروانہ توں ہمدرد مرا ہے

اس شمع سیں تیری جو لگی آج لگن بول

آتی ہے تجھے دیکھ کے گل رو کی گلی یاد

اے بلبل بیتاب مجھے اپنا وطن بول

خاموش نہ ہو سوز سراجؔ آج کی شب پوچھ

بھڑکی ہے مرے دل میں ترے غم کی اگن بول

ai bagh-e-haya dil ki girah khol sukhan bol

tangi hai mire hal par ai ghuncha dahan bol

ai ah suna is kun mire hal ki arzi

tujh zulf ke pechon ne diya mujh kun shikan bol

muddat sati parwana tun hamdard mira hai

is shama sin teri jo lagi aj lagan bol

ati hai tujhe dekh ke gul ru ki gali yad

ai bulbul betab mujhe apna watan bol

khamosh na ho soz siraj aj ki shab puchh

bharki hai mire dil mein tire gham ki agan bol