اے دل بے ادب اس یار کی سوگند نہ کھا

اے دل بے ادب اس یار کی سوگند نہ کھا

توں ہر اک بات میں دل دار کی سوگند نہ کھا

روح چندر بدن اے بو الہوس آزردہ نہ کر

خوب نہیں تربت مہیار کی سوگند نہ کھا

یہ ادا سرو میں زنہار نہیں اے قمری

یار کے قامت و رفتار کی سوگند نہ کھا

خوف کر خط کی سیاہی ستی اے وعدہ خلاف

ہر گھڑی مصحف رخسار کی سوگند نہ کھا

اپنی آنکھوں کی قسم کھا کہ لیا نہیں میں نے

جان لے کر دل بیمار کی سوگند نہ کھا

پیچ دے دے کے مرے دل کوں پریشاں تو کیا

ناحق اس زلف گرہ دار کی سوگند نہ کھا

تاب اس رخ کی تجلی کی نہیں تجھ کوں سراجؔ

توں عبث شعلۂ دیدار کی سوگند نہ کھا

ai dil-e-be adab us yar ki saugand na kha

tun har ik bat mein dil dar ki saugand na kha

ruh chandar badan ai bu alhawas azurda na kar

khub nahin turbat mahyar ki saugand na kha

ye ada sarw mein zinhar nahin ai qumri

yar ke qamat-o-raftar ki saugand na kha

khauf kar khat ki siyahi sati ai waada khilaf

har ghari mushaf-e-rukhsar ki saugand na kha

apni ankhon ki qasam kha ke liya nahin main ne

jan le kar dil-e-bimar ki saugand na kha

pech de de ke mire dil kun pareshan to kiya

nahaq is zulf-e-girah dar ki saugand na kha

tab us rukh ki tajalli ki nahin tujh kun siraj

tun abas shola-e-didar ki saugand na kha