اے مری جان ہمیشہ ہو تری جان کی خیر

اے مری جان ہمیشہ ہو تری جان کی خیر

نازکی دور بلا، حسن کے سامان کی خیر

رات دن شام سحر پہر گھڑی پل ساعت

مانگتے جاتی ہے ہم کو تری آن آن کی خیر

مہندی چوٹی ہو سوائی ہو چمک پیٹی کی

عمر چوٹی کی بڑی زلف پریشان کی خیر

بے طرح بوجھ سے جھمکوں کے جھکے پڑتے ہیں

کیجو اللہ تو ان جھمکوں کی اور کان کی خیر

پان کھایا ہے تو اس وقت بھی لازم ہے یہی

ایک بوسہ ہمیں دیجے لب و دندان کی خیر

آنکھ اٹھا دیکھیے اور دیکھ کے ہنس بھی دیجے

اپنے کاجل کی زکوٰۃ اور مسی و پان کی خیر

پہلے جس آن تمہاری نے لیا دل ہم سے

اب تلک مانگتے ہیں دل سے ہم اس آن کی خیر

کیا غضب نکلے ہے بن ٹھن کے وہ کافر یارو

آج ہوتی نظر آتی نہیں ایمان کی خیر

جتنے محبوب پری زاد ہیں دنیا میں نظیرؔ

سب کے اللہ کرے حسن کی اور جان کی خیر

ai miri jan hamesha ho tiri jan ki khair

nazuki dur bala, husn ke saman ki khair

rat din sham-e-sahar pahar ghari pal saat

mangte jati hai ham ko tiri an an ki khair

mehndi choti ho siwai ho chamak piti ki

umr choti ki bari zulf pareshan ki khair

be tarah bojh se jhamkon ke jhuke parte hain

kijo allah to in jhamkon ki aur kan ki khair

pan khaya hai to is waqt bhi lazim hai yahi

ek bosa hamen dije lab-o-dandan ki khair

ankh utha dekhiye aur dekh ke hans bhi dije

apne kajal ki zakwat aur missi-o-pan ki khair

pahle jis an tumhari ne liya dil ham se

ab talak mangte hain dil se ham is an ki khair

kya ghazab nikle hai ban than ke wo kafir yaro

aj hoti nazar ati nahin iman ki khair

jitne mahbub pari zad hain duniya mein nazir

sab ke allah kare husn ki aur jan ki khair