انقلاب ہند

بارہا دیکھا ہے تو نے آسماں کا انقلاب

کھول آنکھ اور دیکھ اب ہندوستاں کا انقلاب

مغرب و مشرق نظر آنے لگے زیر و زبر

انقلاب ہند ہے سارے جہاں کا انقلاب

کر رہا ہے قصر آزادی کی بنیاد استوار

فطرت طفل و زن و پیر و جواں کا انقلاب

صبر والے چھا رہے ہیں جبر کی اقلیم پر

ہو گیا فرسودہ شمشیر و سناں کا انقلاب

barha dekha hai tu ne asman ka inqilab

khol ankh aur dekh ab hindostan ka inqilab

maghrib-o-mashriq nazar ane lage zer-o-zabar

inqilab-e-hind hai sare jahan ka inqilab

kar raha hai qasr-e-azadi ki buniyad ustuwar

fitrat-e-tifl-o-zan-o-pir-o-jawan ka inqilab

sabr wale chha rahe hain jabr ki iqlim par

ho gaya farsuda shamshir-o-sinan ka inqilab