اے دوست تلطف سیں مرے حال کوں آ دیکھ — سراج اورنگ آبادی (Siraj Aurangabadi)

اے دوست تلطف سیں مرے حال کوں آ دیکھ

سینے کی اگن مہر کے پانی سیں بجھا دیکھ

صادق ہوں مجھے بو الہوس اے جان توں مت جان

شمشیر تغافل دل زخمی پہ چلا دیکھ

پیاسا ہوں تری تیغ کے پانی کا ہر اک دم

باور نہیں یہ بات تو یک بار پلا دیکھ

مجھ آہ کی گرمی سیں جھڑے پھول چمن کے

اے سرو گلستان ادا باغ میں جا دیکھ

بندہ ہوں ترا خواہ کرم خواہ جفا کر

جس طرز ترے شوق میں ہوئے مجھ کوں جلا دیکھ

نقد دل خالص کوں مری قلب توں مت جان

ہے تجھ کوں اگر شبہ تو کس دیکھ تپا دیکھ

تجھ لب کے تبسم میں ہے اعجاز مسیحا

اے جان سراجؔ اس دل بے جاں کوں جلا دیکھ