اے صنم تجھ برہ میں روتا ہوں

اے صنم تجھ برہ میں روتا ہوں

اشک خونیں سیں منہ کوں دھوتا ہوں

بندگی میں مجھے قبول کرو

میں تمہارا غلام ہوتا ہوں

بارش آب اشک ہے درکار

داغ ہجراں کے بیج بوتا ہوں

بولتا ہوں جو وو بلاتا ہے

تن کے پنجرے میں اس کا طوطا ہوں

مت کہو مجھ سیں قصۂ فرہاد

خواب شیریں میں آج سوتا ہوں

گوہر اشک کوں مثال سراجؔ

رشتۂ آہ میں پروتا ہوں

ai sanam tujh bira mein rota hun

ashk-e-khunin sin munh kun dhota hun

bandagi mein mujhe qubul karo

main tumhara ghulam hota hun

barish-e-ab-e-ashk hai darkar

dagh-e-hijran ke bij bota hun

bolta hun jo wo bulata hai

tan ke pinjre mein us ka tota hun

mat kaho mujh sin qissa-e-farhad

khwab-e-shirin mein aj sota hun

gauhar-e-ashk kun misal siraj

rishta-e-ah mein pirota hun