اگر درد محبت سے نہ انساں آشنا ہوتا

اگر درد محبت سے نہ انساں آشنا ہوتا

نہ کچھ مرنے کا غم ہوتا نہ جینے کا مزا ہوتا

بہار گل میں دیوانوں کا صحرا میں پرا ہوتا

جدھر اٹھتی نظر کوسوں تلک جنگل ہرا ہوتا

مئے گل رنگ لٹتی یوں در مے خانہ وا ہوتا

نہ پینے کی کمی ہوتی نہ ساقی سے گلا ہوتا

ہزاروں جان دیتے ہیں بتوں کی بے وفائی پر

اگر ان میں سے کوئی با وفا ہوتا تو کیا ہوتا

رلایا اہل محفل کو نگاہ یاس نے میری

قیامت تھی جو اک قطرہ ان آنکھوں سے جدا ہوتا

خدا کو بھول کر انسان کے دل کا یہ عالم ہے

یہ آئینہ اگر صورت نما ہوتا تو کیا ہوتا

اگر دم بھر بھی مٹ جاتی خلش خار تمنا کی

دل حسرت طلب کو اپنی ہستی سے گلا ہوتا

agar dard-e-mohabbat se na insan ashna hota

na kuchh marne ka gham hota na jine ka maza hota

bahar-e-gul mein diwanon ka sahra mein para hota

jidhar uthti nazar koson talak jangal hara hota

mai-e-gul rang lutti yun dar-e-mai khana wa hota

na pine ki kami hoti na saqi se gila hota

hazaron jan dete hain buton ki be wafai par

agar un mein se koi ba wafa hota to kya hota

rulaya ahl-e-mahfil ko nigah-e-yas ne meri

qayamat thi jo ik qatra in ankhon se juda hota

khuda ko bhul kar insan ke dil ka ye alam hai

ye aina agar surat numa hota to kya hota

agar dam bhar bhi mit jati khalish khar-e-tamanna ki

dil-e-hasrat talab ko apni hasti se gila hota