اڑاؤں نہ کیوں تار تار گریباں

اڑاؤں نہ کیوں تار تار گریباں

کہ پردہ دری ہے شعار گریباں

ہر اک تار ہے دست گیر تماشا

کیا ضعف نے شرمسار گریباں

کتان و گل و سینۂ اہل حسرت

بہت چیز ہیں یادگار گریباں

اگر دشمنی بخیہ گر کو نہیں

تو کیوں اس قدر دوست دار گریباں

یہیں قید رسم خلائق پسند

ہر اک سانس ہے خار خار گریباں

وفا ہے مری پیش دست سلاسل

ترا پردہ ہے پیش کار گریباں

یہ اڑنے میں چالاک ہر پارہ ہے

رم دشت وحشت شکار گریباں

کبھی کوہ میں دشت میں ہے کبھی

نہیں کچھ گلو پر مدار گریباں

قلقؔ کیوں کے پردہ نہ اٹھتا ہمارا

کہ ہے بخیہ گر راز دار گریباں

uraun na kyun tar tar-e-gareban

ke parda dari hai shiar gareban

har ik tar hai dast gir tamasha

kya zof ne sharmsar gareban

katan-o-gul-o-sina-e-ahl-e-hasrat

bahut chiz hain yadgar-e-gareban

agar dushmani bakhiya gar ko nahin

to kyun is qadar dost dar-e-gareban

yahin qaid rasm-e-khalaiq pasand

har ik sans hai khar khar-e-gareban

wafa hai miri pesh-e-dast-e-salasil

tira parda hai pesh kar gareban

ye urne mein chalak har para hai

ram dasht-e-wahshat shikar-e-gareban

kabhi koh mein dasht mein hai kabhi

nahin kuchh galo par madar gareban

qalaq kyun ke parda na uthta hamara

ke hai bakhiya gar raz dar-e-gareban