انسان

قُدرت کا عجیب یہ ستم ہے!

انسان کو راز جو بنایا

راز اس کی نگاہ سے چھُپایا

بے تاب ہے ذوق آگہی کا

کھُلتا نہیں بھید زندگی کا

حیرت آغاز و انتہا ہے

آئینے کے گھر میں اور کیا ہے

ہے گرمِ خرام موجِ دریا

دریا سوئے بحر جادہ پیما

بادل کو ہوا اُڑا رہی ہے

شانوں پہ اُٹھائے لا رہی ہے

تارے مستِ شرابِ تقدیر

زندانِ فلک میں پا بہ زنجیر

خورشید، وہ عابدِ سحَر خیز

لانے والا پیامِ ’برخیز‘

مغرب کی پہاڑیوں میں چھُپ کر

پیتا ہے مئے شفَق کا ساغر

لذّت گیرِ وجود ہر شے

سر مستِ مئے نمود ہر شے

کوئی نہیں غم گُسارِ انساں

کیا تلخ ہے روزگارِ انساں!

qudrat ka ajib ye sitam hai!

insan ko raz jo banaya

raz us ki nigah se chhupaya

be tab hai zauq-e-agahi ka

khulta nahin bhed zindagi ka

hairat aghaz-o-intiha hai

aine ke ghar mein aur kya hai

hai garm-e-khiram mauj-e-dariya

dariya su-e-bahr-e-jada paima

badal ko hua ura rahi hai

shanon pe uthae la rahi hai

tare mast-e-sharab-e-taqdir

zindan-e-falak mein pa ba zanjir

khurshid, wo abid-e-sahar khez

lane wala payam 'barkhez'

maghrib ki pahariyon mein chhup kar

pita hai mai-e-shafaq ka saghar

lazzat gir-e-wajud har shai

sar mast-e-mai-e-numud har shai

koi nahin gham gusar-e-insan

kya talkh hai rozgar-e-insan!