انوکھی وضع ہے، سارے زمانے سے نرالے ہیں

انوکھی وضع ہے، سارے زمانے سے نرالے ہیں

یہ عاشق کون سی بستی کے یا رب رہنے والے ہیں

علاجِ درد میں بھی درد کی لذّت پہ مرتا ہُوں

جو تھے چھالوں میں کانٹے، نوکِ سوزن سے نکالے ہیں

پھلا پھُولا رہے یا رب! چمن میری اُمیدوں کا

جگر کا خون دے دے کر یہ بُوٹے مَیں نے پالے ہیں

رُلاتی ہے مجھے راتوں کو خاموشی ستاروں کی

نرالا عشق ہے میرا، نرالے میرے نالے ہیں

نہ پُوچھو مجھ سے لذّت خانماں برباد رہنے کی

نشیمن سینکڑوں میں نے بنا کر پھونک ڈالے ہیں

نہیں بیگانگی اچھّی رفیقِ راہِ منزل سے

ٹھہر جا اے شرر، ہم بھی تو آخر مِٹنے والے ہیں

اُمیدِ حور نے سب کچھ سِکھا رکھا ہے واعظ کو

یہ حضرت دیکھنے میںسیدھے سادے، بھولے بھالے ہیں

مرے اشعار اے اقبالؔ! کیوں پیارے نہ ہوں مجھ کو

مرے ٹُوٹے ہُوئے دل کے یہ درد انگیز نالے ہیں

anokhi waza hai, sare zamane se nirale hain

ye ashiq kaun si basti ke ya rab rahne wale hain

ilaj-e-dard mein bhi dard ki lazzat pe marta hun

jo the chhalon mein kante, nok-e-sozan se nikale hain

phala phula rahe ya rab! chaman meri ummidon ka

jigar ka khun de de kar ye bute main ne pale hain

rulati hai mujhe raton ko khamoshi sitaron ki

nirala ishq hai mera, nirale mere nale hain

na puchho mujh se lazzat khanuman barbad rahne ki

nasheman sainkron main ne bana kar phunk dale hain

nahin beganagi achchhi rafiq-e-rah-e-manzil se

thahar ja ai sharar, ham bhi to akhir mitne wale hain

ummid-e-hur ne sab kuchh sikha rakha hai waiz ko

ye hazrat dekhne mensidhe sade, bhule bhale hain

mire ashar ai iqbal! kyun pyare na hun mujh ko

mire tute hue dil ke ye dard angez nale hain