اک بوسہ دیجئے مرا ایمان لیجئے

اک بوسہ دیجئے مرا ایمان لیجئے

گو بت ہیں آپ بہر خدا مان لیجئے

دل لے کے کہتے ہیں تری خاطر سے لے لیا

الٹا مجھی پہ رکھتے ہیں احسان لیجئے

غیروں کو اپنے ہاتھ سے ہنس کر کھلا دیا

مجھ سے کبیدہ ہو کے کہا پان لیجئے

مرنا قبول ہے مگر الفت نہیں قبول

دل تو نہ دوں گا آپ کو میں جان لیجئے

حاضر ہوا کروں گا میں اکثر حضور میں

آج اچھی طرح سے مجھے پہچان لیجئے

ik bosa dijiye mira iman lijiye

go but hain ap bahr-e-khuda man lijiye

dil le ke kahte hain tiri khatir se le liya

ulta mujhi pe rakhte hain ehsan lijiye

ghairon ko apne hath se hans kar khula diya

mujh se kabida ho ke kaha pan lijiye

marna qubul hai magar ulfat nahin qubul

dil to na dunga ap ko main jan lijiye

hazir hua karunga mein aksar huzur mein

aj achchhi tarah se mujhe pahchan lijiye