اپنی گرہ سے کچھ نہ مجھے آپ دیجئے

اپنی گرہ سے کچھ نہ مجھے آپ دیجئے

اخبار میں تو نام مرا چھاپ دیجئے

دیکھو جسے وہ پانیر آفس میں ہے ڈٹا

بہر خدا مجھے بھی کہیں چھاپ دیجئے

چشم جہاں سے حالت اصلی چھپی نہیں

اخبار میں جو چاہئے وہ چھاپ دیجئے

دعویٰ بہت بڑا ہے ریاضی میں آپ کو

طول شب فراق کو تو ناپ دیجئے

سنتے نہیں ہیں شیخ نئی روشنی کی بات

انجن کی ان کے کان میں اب بھاپ دیجئے

اس بت کے در پہ غیر سے اکبرؔ نے کہہ دیا

زر ہی میں دینے لایا ہوں جان آپ دیجئے

apni girah se kuchh na mujhe ap dijiye

akhbar mein to nam mira chhap dijiye

dekho jise wo panayar afis mein hai data

bahr-e-khuda mujhe bhi kahin chhap dijiye

chashm-e-jahan se halat-e-asli chhupi nahin

akhbar mein jo chahiye wo chhap dijiye

daawa bahut bara hai riyazi mein ap ko

tul-e-shab-e-firaq ko to nap dijiye

sunte nahin hain shaikh nai raushni ki bat

anjan ki un ke kan mein ab bhap dijiye

us but ke dar pe ghair se akbar ne kah diya

zar hi mein dene laya hun jan ap dijiye