اشک خونیں ہے شفق آج مری آنکھوں میں

اشک خونیں ہے شفق آج مری آنکھوں میں

سانجھ پھولی ہے ترے باج مری آنکھوں میں

ایک دن نین جھروکے کی طرف سیں گزرو

مردم چشم ہے محتاج مری آنکھوں میں

بیٹھ کر تخت مرصع پہ مری پتلی کے

ہے مبارک جو کرو راج مری آنکھوں میں

باغ میں نرگس حیراں نے تجھے دیکھ کہی

تیری آنکھوں سی کہاں لاج مری آنکھوں میں

آج کی رات عجب رات مبارک ہے سراجؔ

اس کی صورت کوں ہے معراج مری آنکھوں میں

ashk-e-khunin hai shafaq aj miri ankhon mein

sanjh phuli hai tire baj miri ankhon mein

ek din nain jharoke ki taraf sin guzro

mardum-e-chashm hai mohtaj miri ankhon mein

baith kar takht-e-murassaa pe miri putli ke

hai mubarak jo karo raj miri ankhon mein

bagh mein nargis-e-hairan ne tujhe dekh kahi

teri ankhon si kahan laj miri ankhon mein

aj ki rat ajab rat mubarak hai siraj

us ki surat kun hai meraj miri ankhon mein