الٰہی جان دی ہے میں نے کس کے روئے روشن پر

الٰہی جان دی ہے میں نے کس کے روئے روشن پر

ہزاروں شمعیں پروانہ بنی ہیں میرے مدفن پر

تعجب کیا خمیدہ ہو اگر تلوار قاتل کی

چڑھا ہے خون کس کس بے گنہ کا اس کی گردن پر

وہ بے انصاف اور اپنی وفا کی داد یا قسمت

گمان دوستی ہے سادگی سے ہم کو دشمن پر

عجب اس جلوۂ یکتا میں نیرنگ تماشا ہے

نئی صورت سے چمکا خاطر شیخ و برہمن پر

میں ہوں مرہون منت صلح کل کا جب سے اے ارشدؔ

یقین دوستی ہونے لگا ہے مجھ کو دشمن پر

ilahi jan di hai main ne kis ke ru-e-raushan par

hazaron shamen parwana bani hain mere madfan par

taajjub kya khamida ho agar talwar qatil ki

charha hai khun kis kis be gunah ka us ki gardan par

wo be insaf aur apni wafa ki dad ya qismat

guman-e-dosti hai sadgi se ham ko dushman par

ajab is jalwa-e-yakta main nairang-e-tamasha hai

nai surat se chamka khatir-e-shaikh-o-barahman par

main hun marhun-e-minnat sulh kal ka jab se ai arshad

yaqin-e-dosti hone laga hai mujh ko dushman par