امرائے عرب سے

کرے یہ کافرِ ہندی بھی جُرأتِ گُفتار

اگر نہ ہو اُمَرائے عرب کی بے ادبی!

یہ نکتہ پہلے سِکھایا گیا کس اُمّت کو؟

وصال مُصطفوی، افتراق بُولہَبی!

نہیں وجود حدود و ثُغُور سے اس کا

محمدِؐ عَربی سے ہے عالمِ عَربی!

kare ye kafir-e-hindi bhi jurat-e-guftar

agar na ho umara-e-arab ki be adabi!

ye nukta pahle sikhaya gaya kis ummat ko?

wisal-e-mustafawi, iftiraq bulhabi!

nahin wajud hudud-o-sughur se us ka

mohammad arabi se hai alam-e-arabi!