امرد ہوئے ہیں تیرے خریدار چار پانچ

امرد ہوئے ہیں تیرے خریدار چار پانچ

دے ایسے اور حق مجھے اغیار چار پانچ

جب گدگداتے ہیں تجھے ہم اور ڈھب سے تب

سہتے ہیں گالیاں تری نا چار چار پانچ

کل یوں کہا کہ ٹک تو ٹھہر لے تو بولے آپ

ہیں منتظر مرے سر بازار چار پانچ

او جانے والے شخص ٹک اک مڑ کے دیکھ لے

یاں بھی تڑپ رہے ہیں گناہ گار چار پانچ

صیاد لے خبر کہ دیا چاہتے ہیں جان

کنج قفس میں تازہ گرفتار چار پانچ

میاں ہم بھی کوئی قہر ہیں جب دیکھو تب لیے

بیٹھے ہیں اپنے پاس طرحدار چار پانچ

چپکے سے تم جو کہتے ہو ہیں اپنے آشنا

شعلہ بھبھوکے اور دھواں دھار چار پانچ

ہر ایک ان سے شوخ ہے کیا خوب بات ہو

لگ جائیں تیرے ہاتھ جو یک بار چار پانچ

تو ان کو چاہ چھوڑ مجھے واچھڑے چے خوش

رکھے ہیں میرے واسطے دل دار چار پانچ

ہے کام ایک ہی سے وہ چولھے میں سب پڑیں

صدقے کیے تھے ایسے وہ فی النار چار پانچ

صاحب تمہیں تمہیں نہیں ہرگز نہیں نہیں

مجھ کو نہیں نہیں نہیں درکار چار پانچ

میرؔ و قتیلؔ و مصحفیؔ و جرأتؔ و مکیںؔ

ہیں شاعروں میں یہ جو نمودار چار پانچ

سو خوب جانتے ہیں کہ ہر ایک رنگ کے

انشاؔ کی ہر غزل میں ہیں اشعار چار پانچ

umrad hue hain tere kharidar char panch

de aise aur haq mujhe aghyar char panch

jab gudgudate hain tujhe ham aur dhab se tab

sahte hain galiyan tiri na char char panch

kal yun kaha ke tuk to thahar le to bole ap

hain muntazir mire sar-e-bazar char panch

o jane wale shakhs tuk ik mur ke dekh le

yan bhi tarap rahe hain gunah gar char panch

sayyad le khabar ke diya chahte hain jan

kunj-e-qafas mein taza giraftar char panch

miyan ham bhi koi qahr hain jab dekho tab liye

baithe hain apne pas tarhdar char panch

chupke se tum jo kahte ho hain apne ashna

shola bhabhuke aur dhuan dhar char panch

har ek un se shokh hai kya khub bat ho

lag jaen tere hath jo yak bar char panch

tu un ko chah chhor mujhe wachhire che khush

rakhe hain mere waste dil dar char panch

hai kam ek hi se wo chulhe mein sab paren

sadqe kiye the aise wo fi alnnar char panch

sahab tumhen tumhen nahin hargiz nahin nahin

mujh ko nahin nahin nahin darkar char panch

mir-o-qatil-o-mushafi-o-jurat-o-makin

hain shayaron mein ye jo numudar char panch

so khub jante hain ke har ek rang ke

insha ki har ghazal mein hain ashar char panch