اسی چیز کی کوئی عزت نہیں

اسی چیز کی کوئی عزت نہیں

زمانے کو جس کی ضرورت نہیں

صداقت سے جس کو محبت نہیں

خدا کی قسم اس کو راحت نہیں

ہمیں سے ہے جتنی محبت ہمیں

کسی سے بھی اتنی محبت نہیں

غلامی ہی نعمت ہو جن کے لئے

تجارت میں ان کو مسرت نہیں

نئی کون سی چیز دنیا میں ہے

یہ کہئے کہ اب وہ جہالت نہیں

وہ دنیا کے جھگڑے بڑھائے گا کیا

جسے ذکر خالق سے فرصت نہیں

یہ مانا کہ ہے دشمن بد اجل

مگر اس سے بچنے کی صورت نہیں

جو پہلے تھے اب بھی وہی ہیں مرے

ہماری زباں ہی میں لذت نہیں

خدا کی ضرورت ہے سیفیؔ ہمیں

خدا کو ہماری ضرورت نہیں

isi chiz ki koi izzat nahin

zamane ko jis ki zarurat nahin

sadaqat se jis ko mohabbat nahin

khuda ki qasam us ko rahat nahin

hamen se hai jitni mohabbat hamen

kisi se bhi itni mohabbat nahin

ghulami hi nemat ho jin ke liye

tijarat mein un ko masarrat nahin

nai kaun si chiz duniya mein hai

ye kahiye ke ab wo jahalat nahin

wo duniya ke jhagre barhaega kya

jise zikr-e-khaliq se fursat nahin

ye mana ke hai dushman-e-bad ajal

magar us se bachne ki surat nahin

jo pahle the ab bhi wahi hain mire

hamari zaban hi mein lazzat nahin

khuda ki zarurat hai saifi hamen

khuda ko hamari zarurat nahin