اس کی جب بزم سے ہم ہو کے بتنگ آتے ہیں

اس کی جب بزم سے ہم ہو کے بتنگ آتے ہیں

اپنے ساتھ آپ ہی کرتے ہوے جنگ آتے ہیں

حسن میں جب تئیں گرمی نہ ہو جی دیوے کون

شمع تصویر کے کب گرد پتنگ آتے ہیں

دل کو کس بو قلموں جلوہ نے ہے خون کیا

اشک آنکھوں سے جو یہ رنگ برنگ آتے ہیں

آہ تعظیم کو اٹھتی ہے مرے سینہ سے

دل پہ جب اس کی نگاہوں کے خدنگ آتے ہیں

شرط گر پوچھو تو ہے اس میں بھی قسمت ورنہ

عاشقی کرنے کے ہر ایک کو ڈھنگ آتے ہیں

نخل وحشت بھی مگر ان کا ثمر رکھتا ہے

ہر طرف سے جو یہ دیواروں پہ سنگ آتے ہیں

حیرت افزا ہے عجب کوچۂ دل دار حسنؔ

جو وہاں جاتے ہیں اس طرف سے دنگ آتے ہیں

us ki jab bazm se ham ho ke batang ate hain

apne sath ap hi karte hue jang ate hain

husn mein jab tain garmi na ho ji dewe kaun

sham-e-taswir ke kab gard patang ate hain

dil ko kis bu qalmon jalwa ne hai khun kiya

ashk ankhon se jo ye rang barang ate hain

ah taazim ko uthti hai mire sina se

dil pe jab us ki nigahon ke khadang ate hain

shart gar puchho to hai is mein bhi qismat warna

ashiqi karne ke har ek ko dhang ate hain

nakhl-e-wahshat bhi magar un ka samar rakhta hai

har taraf se jo ye diwaron pe sang ate hain

hairat afza hai ajab kucha-e-dil dar husn

jo wahan jate hain is taraf se dang ate hain