اس کی قدرت کی دید کرتا ہوں

اس کی قدرت کی دید کرتا ہوں

روز نو روز عید کرتا ہوں

میرا احوال فقر مت پوچھو

زہد مثل فرید کرتا ہوں

روز بازار ملک ہستی میں

جنس عصیاں خرید کرتا ہوں

فتح کرنے کو قلب دل کا حصار

تیغ ہمت کلید کرتا ہوں

بسکہ میں تشنۂ شہادت ہوں

دل کو ہر دم شہید کرتا ہوں

نہ میں سنی نہ شیعہ نے کافر

صوفی ہوں سب کا وید کرتا ہوں

شیخ تو گو کہ پیر زادہ ہے

رہ تجھے میں مرید کرتا ہوں

اپنے احسان خلق سے حاتمؔ

آدمی کو عبید کرتا ہوں

us ki qudrat ki did karta hun

roz-e-nau roz-e-eid karta hun

mera ahwal faqr mat puchho

zohd misl-e-farid karta hun

roz-e-bazar mulk-e-hasti mein

jins-e-isyan kharid karta hun

fath karne ko qalb dil ka hisar

tegh-e-himmat kilid karta hun

baske mein tishna-e-shahadat hun

dil ko har dam shahid karta hun

na main suni na shia ne kafir

sufi hun sab ka wed karta hun

shaikh to go ke pir zada hai

rah tujhe main murid karta hun

apne ehsan khalq se hatim

admi ko ubaid karta hun