اس کتاب طرب نصاب نے جب

اس کتاب طرب نصاب نے جب

آب و تاب انطباع کی پائی

فکر تاریخ سال میں مجھ کو

ایک صورت نئی نظر آئی

ہندسے پہلے سات سات کے دو

دیے ناگاہ مجھ کو دکھلائی

اور پھر ہندسہ تھا بارہ کا

با ہزاراں ہزار زیبائی

سال ہجری نو ہو گیا معلوم

بے شمول عبارت آرائی

مگر اب ذوق بذلہ سنجی کو

ہے جداگانہ کارفرمائی

سات اور سات ہوتے ہیں چودہ

بہ امید سعادت افزائی

غرض اس سے ہیں چار دہ معصوم

جس سے ہے چشم جاں کو بینائی

اور بارہ امام ہیں بارہ

جس سے ایماں کو ہے توانائی

ان کو غالبؔ یہ سال اچھا ہے

جو ائمہ کے ہیں تولائی

is kitab-e-tarab nisab ne jab

ab-o-tab intiba ki pai

fikr-e-tarikh-e-sal mein mujh ko

ek surat nai nazar ai

hindse pahle sat sat ke do

diye nagah mujh ko dikhlai

aur phir hindsa tha bara ka

ba hazaran hazar zebai

sal-e-hijri nau ho gaya maalum

be shamwil-e-ibarat arai

magar ab zauq-e-bazla sanji ko

hai judagana karfarmai

sat aur sat hote hain chauda

ba ummid-e-saadat afzai

gharaz us se hain char da maasum

jis se hai chashm-e-jan ko binai

aur bara imam hain bara

jis se iman ko hai tawanai

un ko ghalib ye sal achchha hai

jo aimma ke hain tolai