اس لب کوں کب پسند ہیں رسمی کٹوریاں

اس لب کوں کب پسند ہیں رسمی کٹوریاں

لالہ کے پھول کی ہیں جسے قہوہ خوریاں

دام و قفس نہ چاہئے دل کے شکار کوں

کرتی ہیں بند آنکھ کے ڈوروں کی ڈوریاں

ہے بس کہ دور ساغر چشم پری رخاں

گر گئی ہیں دل کے طاق سیں نرگس کی غوریاں

ہنستے ہو کیوں جو تم نے مرا دل نہیں لئے

معلوم ہوئیں تمہاری نگاہوں کی چوریاں

اب غم کی رات سیر چراغاں ہے اے سراجؔ

یہ اشک گرم تیل ہے آنکھیں سکوریاں

us lab kun kab pasand hain rasmi katoriyan

lala ke phul ki hain jise qahwa khuriyan

dam-o-qafas na chahiye dil ke shikar kun

karti hain band ankh ke doron ki doriyan

hai bas ke daur-e-saghar-e-chashm-e-pari rukhan

gir gai hain dil ke taq sin nargis ki ghauriyan

hanste ho kyun jo tum ne mira dil nahin liye

maalum huin tumhari nigahon ki choriyan

ab gham ki rat sair-e-charaghan hai ai siraj

ye ashk-e-garm tel hai ankhen sakoriyan