اشتراکیت

قوموں کی روِش سے مجھے ہوتا ہے یہ معلوم

بے سُود نہیں رُوس کی یہ گرمیِ رفتار

اندیشہ ہُوا شوخیِ افکار پہ مجبور

فرسُودہ طریقوں سے زمانہ ہُوا بیزار

انساں کی ہوَس نے جنھیں رکھّا تھا چھُپا کر

کھُلتے نظر آتے ہیں بتدریج وہ اَسرار

قُرآن میں ہو غوطہ زن اے مردِ مسلماں

اللہ کرے تجھ کو عطا جِدّتِ کردار

جو حرفِ ’قُلِ العَفو‘ میں پوشیدہ ہے اب تک

اس دَور میں شاید وہ حقیقت ہو نمودار!

qaumon ki rawish se mujhe hota hai ye maalum

be sud nahin rus ki ye garmi-e-raftar

andesha hua shokhi-e-afkar pe majbur

farsuda tariqon se zamana hua bezar

insan ki hawas ne jinhen rakha tha chhupa kar

khulte nazar ate hain batadrij wo asrar

quran mein ho ghauta zan ai mard-e-musalman

allah kare tujh ko ata jiddat-e-kirdar

jo harf 'qul-e-alafw' mein poshida hai ab tak

is daur mein shayad wo haqiqat ho numudar!