امید

مقابلہ تو زمانے کا خوب کرتا ہُوں

اگرچہ مَیں نہ سپاہی ہُوں نے امیرِ جنُود

مجھے خبر نہیں یہ شاعری ہے یا کچھ اور

عطا ہُوا ہے مجھے ذکر و فکر و جذب و سرود

جبینِ بندۂ حق میں نمود ہے جس کی

اُسی جلال سے لبریز ہے ضمیرِ وجود

یہ کافری تو نہیں، کافری سے کم بھی نہیں

کہ مردِ حق ہو گرفتارِ حاضر و موجود

غمیں نہ ہو کہ بہت دَور ہیں ابھی باقی

نئے ستاروں سے خالی نہیں سِپہرِ کبود

muqabla to zamane ka khub karta hun

agarche main na sipahi hun ne amir-e-janud

mujhe khabar nahin ye shayari hai ya kuchh aur

ata hua hai mujhe zikr-o-fikr-o-jazb-o-surud

jabin-e-banda-e-haq mein numud hai jis ki

usi jalal se labrez hai zamir-e-wajud

ye kafiri to nahin, kafiri se kam bhi nahin

ke mard-e-haq ho giraftar-e-hazir-o-maujud

ghamen na ho ke bahut daur hain abhi baqi

nae sitaron se khali nahin sipehr-e-kabud