اس حسیں کا خیال ہے دل میں

اس حسیں کا خیال ہے دل میں

جس کا آنا محال ہے دل میں

کیوں نہ دل اس خیال سے خوش ہو

کہ تمہارا خیال ہے دل میں

کیا کرے رہ کے وہ خدنگ نگاہ

اب لہو کا بھی کال ہے دل میں

جائے تنگ است مردماں بسیار

حسرتوں کا یہ حال ہے دل میں

نوحؔ گو منہ سے کچھ نہیں کہتے

ان کو تم سے ملال ہے دل میں

is hasin ka khayal hai dil mein

jis ka ana muhal hai dil mein

kyun na dil is khayal se khush ho

ke tumhara khayal hai dil mein

kya kare rah ke wo khadang nigah

ab lahu ka bhi kal hai dil mein

jae tang ast marduman bisyar

hasraton ka ye hal hai dil mein

nuh go munh se kuchh nahin kahte

un ko tum se malal hai dil mein