الہام اور آزادی

ہو بندۂ آزاد اگر صاحبِ اِلہام

ہے اس کی نِگہ فکر و عمل کے لیے مہمیز

اس کے نفَسِ گرم کی تاثیر ہے ایسی

ہو جاتی ہے خاکِ چَمنِستاں شرر آمیز

شاہِیں کی ادا ہوتی ہے بُلبل میں نمودار

کس درجہ بدل جاتے ہیں مُرغانِ سحَر خیز!

اُس مردِ خود آگاہ و خدامست کی صحبت

دیتی ہے گداؤں کو شکوہِ جم و پرویز

محکوم کے اِلہام سے اللہ بچائے

غارت گرِ اقوام ہے وہ صُورتِ چنگیز

ho banda-e-azad agar sahab-e-ilham

hai us ki nigah fikr-o-amal ke liye mohmiz

us ke nafas-e-garm ki tasir hai aisi

ho jati hai khak-e-chamanistan sharar amez

shahin ki ada hoti hai bulbul mein numudar

kis darja badal jate hain murghan-e-sahar khez!

us mard-e-khud agah-o-khudamast ki sohbat

deti hai gadaon ko shikwa-e-jam-o-parwez

mahkum ke ilham se allah bachae

gharat gar-e-aqwam hai wo surat-e-changez