امامت

تُو نے پُوچھی ہے امامت کی حقیقت مجھ سے

حق تجھے میری طرح صاحبِ اَسرار کرے

ہے وہی تیرے زمانے کا امامِ برحق

جو تجھے حاضر و موجود سے بیزار کرے

موت کے آئِنے میں تجھ کو دکھا کر رُخِ دوست

زندگی تیرے لیے اور بھی دُشوار کرے

دے کے احساسِ زیاں تیرا لہُو گرما دے

فقر کی سان چڑھا کر تجھے تلوار کرے

فتنۂ ملّتِ بیضا ہے امامت اُس کی

جو مسلماں کو سلاطیں کا پرستار کرے!

tu ne puchhi hai imamat ki haqiqat mujh se

haq tujhe meri tarah sahab-e-asrar kare

hai wahi tere zamane ka imam-e-barhaq

jo tujhe hazir-o-maujud se bezar kare

maut ke aine mein tujh ko dikha kar rukh-e-dost

zindagi tere liye aur bhi dushwar kare

de ke ehsas-e-ziyan tera lahu garma de

faqr ki san charha kar tujhe talwar kare

fitna-e-millat-e-baiza hai imamat us ki

jo musalman ko salatin ka parastar kare!