افرنگ زدہ

ترا وجود سراپا تجلّیِ افرنگ

کہ تُو وہاں کے عمارت گروں کی ہے تعمیر

مگر یہ پیکرِ خاکی خودی سے ہے خالی

فقط نیام ہے تُو، زرنگار و بے شمشیر!

تری نگاہ میں ثابت نہیں خدا کا وجود

مری نگاہ میں ثابت نہیں وجود ترا

وجود کیا ہے، فقط جوہرِ خودی کی نمود

کر اپنی فکر کہ جوہر ہے بے نمود ترا

tira wajud sarapa tajalli-e-afrang

ke tu wahan ke imarat garon ki hai taamir

magar ye paikar-e-khaki khudi se hai khali

faqat niyam hai tu, zarnigar-o-be shamshir!

tiri nigah mein sabit nahin khuda ka wajud

miri nigah mein sabit nahin wajud tira

wajud kya hai, faqat jauhar-e-khudi ki numud

kar apni fikr ke jauhar hai be numud tira