اس دکھ میں ہائے یار یگانے کدھر گئے

اس دکھ میں ہائے یار یگانے کدھر گئے

سب چھوڑ ہم کو غم میں نہ جانے کدھر گئے

جو اس پری کو شیشۂ دل میں کرے تھے بند

وے علم عاشقی کے سیانے کدھر گئے

فوجیں جنوں کی دیکھ کے یک بارگی سبھی

اس ملک دل سے عقل کے تھانے کدھر گئے

معلوم ہے کسو کو کہ وہ آج شعلہ خو

ہم کو جلا کے آگ لگانے کدھر گئے

ڈھونڈا بہت پا ہم نے نہ پایا انہوں کا کھوج

دل کو چرا کے ہم سے چھپانے کدھر گئے

حاتمؔ کے دل کو مصرع اول نے خوں کیا

اس دکھ میں ہائے یار یگانے کدھر گئے

is dukh mein hae yar yagane kidhar gae

sab chhor ham ko gham mein na jane kidhar gae

jo us pari ko shisha-e-dil mein kare the band

we ilm ashiqi ke siyane kidhar gae

faujen junun ki dekh ke yak bargi sabhi

is mulk-e-dil se aql ke thane kidhar gae

maalum hai kisu ko ke wo aj shola khu

ham ko jala ke ag lagane kidhar gae

dhunda bahut pa ham ne na paya unhon ka khoj

dil ko chura ke ham se chhupane kidhar gae

hatim ke dil ko misra-e-awwal ne khun kiya

is dukh mein hae yar yagane kidhar gae