آن کر غم کدۂ دہر میں جو بیٹھے ہم

آن کر غم کدۂ دہر میں جو بیٹھے ہم

شمع ساں اپنے تئیں آپ ہی رو بیٹھے ہم

عشق کے ہاتھ سے کشتیٔ شکستہ کی طرح

آپ اپنے تئیں رو رو کے ڈبو بیٹھے ہم

گر یہی تیرے اشارے ہیں تو مجلس سے تری

کوئی نہ کوئی آ کے اٹھا دیوے گا گو بیٹھے ہم

تم جو اٹھنے کو ہوئے تھے تو چلے تھے ہم بھی

اب جو یوں آپ کی مرضی ہے تو لو بیٹھے ہم

سینہ خالی نہیں ہوتا ہے نہ تھمتے ہیں اشک

کب سے روتے ہیں دل خوں شدہ کو بیٹھے ہم

غیر کہتے ہیں کہ ہم بیٹھنے دیویں گے نہ یاں

اب تو اس ضد سے جو کچھ ہووے سو ہو بیٹھے ہم

اشک آنکھوں سے تو معدوم ہوئے تھے کد کے

ہاتھ اب گریۂ خونی سے بھی دھو بیٹھے ہم

اور تو کچھ نہیں یاں اتنا خفا ہوتے ہو کیوں

کیا ہوا آپ کے نزدیک جو ہو بیٹھے ہم

آرزو دل کی بر آئی نہ حسنؔ وصل میں اور

لذت ہجر کو بھی مفت میں کھو بیٹھے ہم

an kar gham kada-e-dahr mein jo baithe ham

shama san apne tain ap hi ro baithe ham

ishq ke hath se kashti-e-shikasta ki tarah

ap apne tain ro ro ke dubo baithe ham

gar yahi tere ishare hain to majlis se tiri

koi na koi a ke utha dewega go baithe ham

tum jo uthne ko hue the to chale the ham bhi

ab jo yun ap ki marzi hai to lo baithe ham

sina khali nahin hota hai na thamte hain ashk

kab se rote hain dil-e-khun shuda ko baithe ham

ghair kahte hain ke ham baithne dewenge na yan

ab to is zid se jo kuchh howe so ho baithe ham

ashk ankhon se to maadum hue the kad ke

hath ab girya-e-khuni se bhi dho baithe ham

aur to kuchh nahin yan itna khafa hote ho kyun

kya hua ap ke nazdik jo ho baithe ham

arzu dil ki bar ai na husn-e-wasl mein aur

lazzat-e-hijr ko bhi muft mein kho baithe ham