آن رکھتا ہے عجب یار کا لڑ کر چلنا

آن رکھتا ہے عجب یار کا لڑ کر چلنا

ہر قدم ناز کے غصے میں اکڑ کر چلنا

جتنے بن بن کے نکلتے ہیں صنم نام خدا

سب میں بھاتا ہے مجھے اس کا بگڑ کر چلنا

ناتوانی کا بھلا ہو جو ہوا مجھ کو نصیب

اس کی دیوار کی اینٹوں کو رگڑ کر چلنا

اس کی کاکل ہے بری مان کہا اے افعی

دیکھیو اس سے تو کاندھا نہ رگڑ کر چلنا

چلتے چلتے نہ خلش کر فلک دوں سے نظیرؔ

فائدہ کیا ہے کمینے سے جھگڑ کر چلنا

an rakhta hai ajab yar ka lar kar chalna

har qadam naz ke ghusse mein akkar kar chalna

jitne ban ban ke nikalte hain sanam nam-e-khuda

sab mein bhata hai mujhe us ka bigar kar chalna

natawani ka bhala ho jo hua mujh ko nasib

us ki diwar ki inton ko ragar kar chalna

us ki kakul hai buri man kaha ai afi

dekhiyo us se to kandha na ragar kar chalna

chalte chalte na khalish kar falak-e-dun se nazir

faida kya hai kamine se jhagar kar chalna