یہ گلہ دل سے تو ہرگز نہیں جانا صاحب

یہ گلہ دل سے تو ہرگز نہیں جانا صاحب

سب نے جانا ہمیں پر تم نے نہ جانا صاحب

ان بیانوں سے غرض ہم نے یہ جانا صاحب

آپ کو خون ہمارا ہے بہانا صاحب

چھوڑ کر آپ کے کوچہ کو پھروں صحرا میں

سو تو مجنوں سا نہیں ہوں میں دوانا صاحب

یاد تھے ہم کو جوانی میں تو سو مکر و فریب

اک کرشمہ تھا تمہیں دام میں لانا صاحب

اب جو بوڑھے ہیں تو اب بھی ہمیں شیطان نظیرؔ

ہنس کے کہتا ہے اجی آئیے نانا صاحب

ye gila dil se to hargiz nahin jana sahab

sab ne jana hamen par tum ne na jana sahab

in bayanon se gharaz ham ne ye jana sahab

ap ko khun hamara hai bahana sahab

chhor kar ap ke kucha ko phirun sahra mein

so to majnun sa nahin hun main dawana sahab

yad the ham ko jawani mein to so makr-o-fareb

ik karishma tha tumhen dam mein lana sahab

ab jo burhe hain to ab bhi hamen shaitan nazir

hans ke kahta hai aji aiye nana sahab