افسانۂ حیات کو دہرا رہا ہوں میں

افسانۂ حیات کو دہرا رہا ہوں میں

یوں اپنی عمر رفتہ کو لوٹا رہا ہوں میں

اک اک قدم پہ درس وفا دے رہا ہوں میں

یہ کس کی جستجو ہے کدھر جا رہا ہوں میں

یا رب کسی کا دام حسیں منتظر نہ ہو

پر شوق کے لگے ہیں اڑا جا رہا ہوں میں

اس سحر رنگ و بو نے تو دیوانہ کر دیا

دامن کے تار تار کو الجھا رہا ہوں میں

سوز درون سینہ کو نغموں میں ڈھال کر

ساز نفس کے تار کو برما رہا ہوں میں

راہ طلب میں دیکھ مرے دل کی حسرتیں

سائے میں پائے خضر کو سہلا رہا ہوں میں

رستے کی اونچ نیچ سے واقف تو ہوں امیںؔ

ٹھوکر قدم قدم پہ مگر کھا رہا ہوں میں

afsana-e-hayat ko dohra raha hun main

yun apni umr-e-rafta ko lauta raha hun main

ik ik qadam pe dars-e-wafa de raha hun main

ye kis ki justuju hai kidhar ja raha hun main

ya rab kisi ka dam hasin muntazir na ho

par shauq ke lage hain ura ja raha hun main

is sehr rang-o-bu ne to diwana kar diya

daman ke tar tar ko uljha raha hun main

soz-e-darun-e-sina ko naghmon mein dhal kar

saz-e-nafas ke tar ko barma raha hun main

rah-e-talab mein dekh mire dil ki hasraten

sae mein pae khizr ko sehla raha hun main

raste ki unch nich se waqif to hun amin

thokar qadam qadam pe magar kha raha hun main