یورپ کی زندگی

دن بھر ہے چرچا کام کا

شب اور شراب جاں فزا

دن بھر ہیں ساری سختیاں

شب اور حوران جناں

ایک ایک سانچے میں ڈھلی

ایک ایک پتلی قہر کی

غنچہ دہن آفت ادا

شوخی غضب غمزہ بلا

ظاہر میں سفاکی بھری

باطن میں اک جذب خفی

تیور سے روکھا پن عیاں

انداز میں مستی نہاں

پالو کبھی وحشی ہرن

خود صید پر ناوک فگن

کیوں کر نہ یاروں کے بھلا

لب سے یہی نکلے صدا

بالا ہو یا پستی غضب

اس طور کی ہستی غضب

اے زندگی اے زندگی

ہیں بار آور تجھ سے ہی

باغ تمنا کے شجر

din bhar hai charcha kam ka

shab aur sharab jan faza

din bhar hain sari sakhtiyan

shab aur huran-e-janan

ek ek sanche mein dhali

ek ek putli qahr ki

ghuncha dahan afat ada

shokhi ghazab ghamza-e-bala

zahir mein saffaki bhari

batin mein ik jazb-e-khafi

tewar se rukha pan ayan

andaz mein masti nihan

palo kabhi wahshi hiran

khud said par nawak fagan

kyun kar na yaron ke bhala

lab se yahi nikle sada

bala ho ya pasti ghazab

is taur ki hasti ghazab

ai zindagi ai zindagi

hain bar awar tujh se hi

bagh-e-tamanna ke shajar