یوسف ہی زر خریدوں میں فیروز بخت تھا

یوسف ہی زر خریدوں میں فیروز بخت تھا

قیمت میں جس کی پھر وہی شاہی کا تخت تھا

مجلس میں تیری کاوش مژگاں کے ہاتھ سے

غنچہ نمط ہر ایک جگر لخت لخت تھا

آنسو تو چیر کر صف مژگاں نکل گیا

لڑکا تھا خورد سال پہ دل کا کرخت تھا

تجھ پہ گداز دل ہے سراپا اے شمع رو

جوں نخل موم باغ میں ہر اک درخت تھا

ایمانؔ آفریں ہے کہ اس بدمزاج سے

یارانے کا نباہنا دشوار سخت تھا

yusuf hi zar kharidon mein firoz bakht tha

qimat mein jis ki phir wahi shahi ka takht tha

majlis mein teri kawish-e-mizhgan ke hath se

ghuncha namat har ek jigar lakht lakht tha

ansu to chir kar saf-e-mizhgan nikal gaya

larka tha khurd sal pe dil ka karakht tha

tujh pe gudaz-e-dil hai sarapa ai shama ro

jun nakhl-e-mom bagh mein har ik darakht tha

iman afrin hai ke is badmizaj se

yarane ka nibahna dushwar sakht tha