یارو کوئے یار کی باتیں کریں

یارو کوئے یار کی باتیں کریں

پھر گل و گلزار کی باتیں کریں

چاندنی میں اے دل اک اک پھول سے

اپنے گل رخسار کی باتیں کریں

آنکھوں آنکھوں میں لٹائے مے کدے

دیدۂ سرشار کی باتیں کریں

اب تو ملیے بس لڑائی ہو چکی

اب تو چلئے پیار کی باتیں کریں

پھر مہک اٹھے فضائے زندگی

پھر گل و رخسار کی باتیں کریں

محشر انوار کر دیں بزم کو

جلوۂ دیدار کی باتیں کریں

اپنی آنکھوں سے بہائیں سیل اشک

ابر گوہربار کی باتیں کریں

ان کو الفت ہی سہی اغیار سے

ہم سے کیوں اغیار کی باتیں کریں

اخترؔ اس رنگیں ادا سے رات بھر

طالع بیدار کی باتیں کریں

yaro ku-e-yar ki baten karen

phir gul-o-gulzar ki baten karen

chandni mein ai dil ik ik phul se

apne gul rukhsar ki baten karen

ankhon ankhon mein lutae mai kade

dida-e-sarshar ki baten karen

ab to miliye bas larai ho chuki

ab to chaliye pyar ki baten karen

phir mahak uthe faza-e-zindagi

phir gul-o-rukhsar ki baten karen

mahshar-e-anwar kar den bazm ko

jalwa-e-didar ki baten karen

apni ankhon se bahaen sail-e-ashk

abr gauharbar ki baten karen

un ko ulfat hi sahi aghyar se

ham se kyun aghyar ki baten karen

akhtar is rangin ada se rat bhar

tale-e-bedar ki baten karen